Бидний ирээдүй болсон бяцхан үрсээ яаж хүмүүжүүлж ирээдүйд ямар хүн болгох нь биднээс шалтгаална. Үр хүүхэддээ үлгэр жишээ болохын тулд аав ээжүүд хажууд нь муу зүйл хийхгүй байх хэрэгтэй билээ. Эцэг эхчүүдийн анхаарах, чухалчилж авч үзэх ёстой хэдхэн зүйлийг сонирхуулъя.
Та бол баатар
Та бол хүүхдийнхээ баатар нь. Тиймээс та ямар үйлдэл хийж ямар үг хэлнэ, зулзаганууд чинь яг л дагана. Жижигхэн ч болтугай алдаа гаргахаасаа болгоомжил.
Ойлгохыг хичээ
Ялангуяа та өсвөр насны охинтой бол сайн ярилцаж ойлголцох хэрэгтэй. Түүнд танаас өөр хэн хамгийн ихээр тусалж чадах билээ. Ямар нэгэн буруу зүйл хийж байгаа бол танаас айж эмээн хэлж чадахгүй дотроо шаналаад байгаа юм биш биз? Загнахаасаа урьтаж ойлгохыг, ярилцахыг хичээгээрэй.
Хамтдаа бай
Хамгийн сүүлд хүүхэдтэйгээ хэзээ ярилцаад сууснаа санаж байна уу? Хамтдаа хоол хийж гэрээ цэвэрлэж хөгжилдөж яг л найзууд шиг цагийг өнгөрөө. Та хоёрыг илүү дотно болгох болно. Жижиг кафе орон кофе хувааж уунгаа элдэв зүйлс ярилц. Найз охин эсвэл залуугийн тухай ч байсан яадаг юм.
Танай гэр бүлд аз жаргал, хамгийн сайн сайхан бүхнийг хүсье!
Энэ мэт сонирхолтой мэдээлэл, зөвлөгөө, бодит хүмүүсийн түүхээс уншихыг хүсвэл бидэнтэй өдөр бүр хамт байж, бидэнтэй нэгдээрэй.
No comments:
Post a Comment